ஆளுநருக்கு மு.க.ஸ்டாலின் வலியுறுத்தல்!

சென்னை, மார்ச் 12- நெறிமுறைகளை மீறிய பேரவைச் செயலாளர் நியம னத்தை ஆளுநர் ரத்து செய்ய வேண்டும் என, சட்டமன்ற எதிர்க்கட்சித் தலைவரும், கழகச் செயல் தலைவருமான மு.க. ஸ்டாலின் அவர்கள் வலியுறுத்தி னார். இதுகுறித்து சட்டமன்ற எதிர்க் கட்சித் தலைவர் மு.க.ஸ்டாலின் அவர்கள், நேற்று விடுத்துள்ள அறிக்கை வருமாறு :- இதுவரை எந்த ஆட்சியிலும் நடந்திராத வகையில் பணிமூப்பு, கல்வித்தகுதி, பணி அனுபவம் ஆகிய அனைத்து நெறிமுறைகளை யும் மீறி, தமிழக சட்டப்பேரவைச் செயலாளராக சீனிவாசன் என்ப வரை நியமித்திருப்பதற்கு, பிரதான எதிர்க்கட்சித் தலைவர் என்ற முறை யில் கடும் கண்டனத்தைத் தெரிவித் துக் கொள்கிறேன். விதிமீறல்களின் மொத்த நேர்வாக இருக்கும் இந்த நியம னத்தை, தமிழக ஆளுநர் அவர்கள் எவ்வாறு அனுமதித்து ஒப்புதல் அளித்தார் என்பது வியப்பாக இருக்கிறது. சட்டப் பேரவை பணிகளில் பாதிப்பு ஏற்படுத்தும் செயல்! சட்டப்பேரவைச் செயலாளர் பதவி என்பது, ஜனநாயகத்தின், குறிப்பாக, மக்களாட்சி மாண்பின் சின்னமாகக் கருதப்படும் தமிழகச் சட்டமன்றத்தில் மிக முக்கியமான பதவி மட்டுமல்ல, முதன்மையான பதவியும் கூட. இந்தப் பதவியில் சட்டப்பேரவை விதிகளுக்கு எதிராக வும், பேரவைப் பணியாளர்களில் பதவி உயர்வு பெற வேண்டியவர் களைப் புறக்கணித்தும், ஒரு செய லாளர் நியமனத்தைச் செய்திருப்பது, ஒட்டுமொத்த தமிழகச் சட்டப் பேரவை ஊழியர்களையும் அதிகாரி களையும் கடுமையான மன உளைச் சலுக்கும், அழுத்தத்திற்கும் உள் ளாக்கி, சட்டப்பேரவைச் செயலகப் பணிகளில் மிகுந்த பாதிப்பை ஏற்படுத்துவதாக அமைந்திருக் கிறது. ஏற்கனவே, ஓய்வுபெற்ற சட்டப் பேரவைச் செயலாளர் ஏ.பி.ஜமாலு தீனுக்கு ஐந்து ஆண்டுகள் பணி நீட்டிப்பு அளித்து, பணி மூப்பு அடிப்படையில் செயலாளர் பதவிக்கு வர வேண்டியவர்களின் வாய்ப்புகள் தட்டிப் பறிக் கப்பட்டன. இப்போது, அவசர அவசரமான ஒரு பதவி உருவாக்கப்பட்டு, அந்தப் பதவியிலிருந்து 4 மாதங்களுக்குள் சிறப்புச் செயலாளராக பதவி உயர்வு அளிக்கப் பட்டு, சட்டப்பேரவைக்கு இப்போது செயலாளர் நியமிக்கப்பட்டு விட்டார் என்பது, சட்டப்படியான ஆட்சி (சுரடந டிக டுயற) நடைபெறவில்லை என்பதை உணர்த்துகிறது. இப்போது செயலா ளராக நியமிக்கப்பட்டு இருப்பவருக் காக, பூபதி என்பவரை செயலாளர் பதவியில் உடனே நியமிக்காமல், கூடுதல் பொறுப்பு மட்டுமே வழங்கப்பட்டது குறிப்பிடத் தக்கது. சட்டப்பேரவைச் செயலகத்தில் உள்ள பொது நிர்வாகப்பிரிவில் சீனிவாசன் பணியாற்றி இருந்தால், துணைச் செயலாளராக மட்டுமே பதவி உயர்வு பெற்றிருக்க முடியும் என்ற நிலையில், அவருக்கு பேரவைத் தலைவரின் சிறப்புச் செயலாளர் பதவியளித்து, தற்போது சட்டப்பேரவையின் செயலாளர் பதவியே கொடுத்து, ஒருதலைப்பட்ச மாக, பல படி நிலை உயர்வு, பதவி உயர்வு வழங்கியிருப்பது அலுவலக நடைமுறைக்கும், இயற்கை நீதிக்கும் முற்றிலும் மாறானது. சட்டப்பேரவைத் தலைவருக்கு மிகவும் வேண்டியவர் என்பதால், அவர் விரும்புகிறார் என்பதற்காக, விதிகளின் முதுகெலும்பை நிச்சயம் உடைக்க முடியாது. சட்டப்பேரவை அலுவலகம் ஒன்றும் தனியாருக்குச் சொந்தமான அலுவலகம் கிடை யாது. பொது அலுவலகம் ( ஞரடெஉ டீககஉந). பேரவைத் தலைவரிடம் பணியாற்றுகிறார் என்பதற்காக, பேரவைச் செயலகத்தில் செயலாளர் பதவிக்கு, தகுதி உள்ளவர்களை யெல்லாம் புறக்கணித்து, ஒரு நியமனத்தைச் செய்துவிட முடியாது. இதுபோன்ற விதிகளை அப்பட்டமாக மீறிய சட்டத்திற்குப் புறம்பான நியமனம்; சட்டப்பேரவைச் செயலகத் தின் நிர்வாகத்தை முடக்கி, அதன்மீது கறைபடியச் செய்துவிடும். தகுதியானவரை நியமித்து நிர்வாக நீதியை நிலை நாட்டுக! ஆகவே, தமிழக ஆளுநர் அவர்கள் தாமாக முன்வந்து, தமிழகச் சட்டப்பேரவைக்கு விதிகளை மீறி, தனியொருவருக்குச் சலுகை காட்டும் வகையில், பாரபட்ச மாக நியமிக்கப்பட்டுள்ள செயலாளர் சீனிவாசனின் நியமனத்தை ரத்து செய்து, சட்டப்பேரவைச் செயலகத் தில் பணியாற்றும் பணிமூப்பு அடிப்படையில், தகுதியான ஒருவரை பேரவைச் செயலாளராக நியமித்து நிர்வாகநீதியை நிலைநாட்ட வேண்டும் என்று பிரதான எதிர்க் கட்சித் தலைவர் என்ற முறையில் கேட்டுக் கொள்கிறேன். இவ்வாறு தமது அறிக்கையில் சட்டமன்ற எதிர்க்கட்சித் தலைவர் மு.க.ஸ்டாலின் அவர்கள் குறிப்பிட் டுள்ளார்.